საქართველო, მოლდოვა და უკრაინა შეაფასებენ კარგი გარემოსდაცვითი მმართველობის განხორციელებას

არასამთავრობო ორგანიზაციები საქართველოდან, მოლდოვადან და უკრაინიდან იწყებენ ერთობლივ პროექტს, რათა შეაფასონ კარგი გარემოსდაცვითი მმართველობის მდგომარეობა აღმოსავლეთ პარტნიორობის ქვეყნებში და შესთავაზონ მისი გაუმჯობესების გზები. მის შედეგებზე დაყრდნობით ისინი ჩამოაყალიბებენ რეკომენდაციებს თავიანთ მთავრობებსა და სამოქალაქო საზოგადოების ორგანიზაციების მიმართ. 

2022 წლის განმავლობაში ორგანიზაცია RICDOG (საქართველო), ეროვნული გარემოსდაცვითი ცენტრი (მოლდოვა) და რესურსებისა და ანალიზის ცენტრი „საზოგადოება და გარემო“ (უკრაინა) შეაფასებენ კარგი გარემოსდაცვითი მმართველობის (GEG) მდგომარეობას აღმოსავლეთ პარტნიორობის სამ ქვეყანაში. ეს ხელს შეუწყობს GEG-თან დაკავშირებული გამოწვევების გაგებას და კონკრეტული რეკომენდაციების ჩამოყალიბებას ეროვნული ხელისუფლებისთვის, ევროკომისიისთვის, სამოქალაქო საზოგადოებისთვის. საქართველოს, მოლდოვასა და უკრაინის წარმატებული ისტორიები დაეხმარება აღმოსავლეთ პარტნიორობის სხვა ქვეყნებთან გამოცდილების გაზიარებას და ერთობლივი პოლიტიკური რეკომენდაციების შეთავაზებას აღმოსავლეთ პარტნიორობის რეგიონისთვის.

GEG_project.jpg

„GEG-ის პრინციპების ეფექტური განხორციელება ხელს შეუწყობს სამ ასოცირებულ ქვეყანაში გარემოს დაცვისა და კლიმატის ცვლილების სფეროში რეფორმების პროგრესის დაჩქარებას“, - აღნიშნა ნატალია ანდრუსევიჩმა, რესურსებისა და ანალიზის ცენტრის „საზოგადოება და გარემო“ თავმჯდომარემ. - "ეს ასევე ხელს შეუწყობს საქართველოს, მოლდოვასა და უკრაინის ჩართულობას მწვანე ტრანსფორმაციის ევროპულ პროცესებში".

პროექტის „ადვოკატირება კარგი გარემოსდაცვითი მმართველობისთვის აღმოსავლეთ პარტნიორობის რეგიონში“ ფარგლებში დაგეგმილია:

  • მეთოდოლოგიის შემუშავება და GEG-ის განხორციელების შეფასება საქართველოში, მოლდოვასა და უკრაინაში;

  • მრგვალი მაგიდის გამართვა აღმოსავლეთ პარტნიორობის რეგიონში GEG-ის განხორციელების შეფასების შედეგებისა და რეკომენდაციების წარმოჩენისა და განხილვის მიზნით;

  • საქართველოს, მოლდოვასა და უკრაინაში GEG-ის საუკეთესო პრაქტიკის შესახებ ბროშურის მომზადება და წარდგენა.

 

 კარგი გარემოსდაცვითი მმართველობა არის ძირითადი წინაპირობა გარემოსდაცვითი და კლიმატის მდგრადობის მისაღწევად. ამას ადასტურებს ლუქსემბურგის დეკლარაცია აღმოსავლეთ პარტნიორობის ქვეყნებში გარემოს დაცვისა და კლიმატის ცვლილების სფეროში თანამშრომლობის შესახებ. GEG არის აღმოსავლეთ პარტნიორობის სამი ქვეყნის (საქართველო, მოლდოვა და უკრაინა) ასოცირების შეთანხმების მოთხოვნათა შორის.

 

პროექტი სარგებლობს წევრებისთვის EaP სამოქალაქო საზოგადოების ფორუმის ხელახალი გრანტის სქემის (FSTP) მხარდაჭერით. და დაფინანსებულია ევროკავშირის მიერ, როგორც რეგიონში სამოქალაქო საზოგადოების მხარდაჭერის ნაწილი. აღმოსავლეთ პარტნიორობის სამოქალაქო საზოგადოების ფორუმი (EaP CSF) რეგრანტინგის სქემის ფარგლებში მხარს უჭერს მისი წევრების პროექტებს, რომლებიც ხელს უწყობენ ფორუმის მისიისა და მიზნების მიღწევას.

გრანტები ხელმისაწვდომია აღმოსავლეთ პარტნიორობისა და ევროკავშირის ქვეყნების CSO-ებისთვის. მხარდაჭერის ძირითადი სფეროებია დემოკრატია და ადამიანის უფლებები, ეკონომიკური ინტეგრაცია, გარემო და ენერგეტიკა, ადამიანებს შორის კონტაქტები, სოციალური და შრომითი პოლიტიკა.